官方劇情簡介
家喻戶曉的柏靈頓友善又生鬼，自牠的繪本故事書誕生以來，一直是瘋魔全球兒童的超級偶像，而本片是牠首次登上大銀幕的矚目之作！故事講述，一 隻對英國充滿好奇及仰慕的秘魯小熊，意外地流落在倫敦的柏靈頓火車站，幸好被善心的布朗夫婦收留，怎料屬於稀有品種的牠，竟被博物館的動物標本蒐集員瑪莉 珊 (妮歌潔曼 飾)所垂涎……想要繼續吃喜歡的果醬三文治，牠必先要逃出瑪莉珊的魔掌！
大明點睇
循例睇睇cap 圖
大明覺得套戲幾好睇，簡單，流暢，柏靈頓亦做得非常仔細。片長大概90分鐘，所以無乜冷場，睇落唔覺悶，當然主打小朋友市場，劇裡忠奸分明，容易理解，輕輕鬆鬆，英式幽默，條橋唔會左扭右扭，好易follow。
一套主打小朋友，行溫馨可愛既電影若果用Cult片角度去睇，又會點呢？
柏靈頓係Cult片？
到底柏靈頓係咪Cult片，或都乜野係Cult片並唔重，不過，我從柏靈頓中看到了次文化。
一隻熊會說話會著衫會戴帽，還會大搖大擺在街上行來行去，大家對牠從無半點驚訝，但博物館又會想盡辦法要將這稀有品種，納入其展品之一。這種設定上既予盾，足以令你想好幾天。到底柏靈頓是稀有珍品，還是與你我一樣，柏靈頓只是走在街上之其中一個大眾面？
大明咁睇，柏靈頓係代表左社會上的小眾，他們外表上同你同我係無乜分別，走在大街小巷你唔會注意佢。但他們其實又唔係同大家一樣。若果你問大明，柏靈頓係代表乜野？我會答你可能係代表同性戀。柏靈頓經常強調自己與眾不同，不容易被家人接受，但最後劇情同我地講，既然係一家人就應該接受佢。
大明評分：4.5/5 好好睇！
